Dilbar Say Kehna

 دلبر سے کہنا

اے ہواصرف اتنا سا دلبر سے کہنا

کہ ہم نے تجھے سوچنے،کھوجنے اور پانے کی سب

خواہشوں کو

اُداسی کی دیواروں میں چُن دیا ہے

تجھے پیار سے دیکھنے والی آنکھیں بصارت سے محروم کر دی

ہیں ہم نے

تجھے پانے کی آرزو کو فنا کر دیا ہے

تری دید کی جو مچلتی تھی خواہش

اسے ہم نے دل سے پرے کر دیا ہے

قدم جو ترے راستے سے ذرا بھر بھی ہٹتے نہ تھے

اب صنم تیری راہوں پہ پڑتے نہیں ہیں

ترے شہر میں آنا جانا رہا

نہ تری یاد میں شب بتانا رہا

وہ حقیقت رہی نہ فسانہ رہا

چاند،جس کو ترا استعارا سمجھتے تھے ہم

اس کو دیکھے ہوئے ایک عرصہ ہوا

اے ہوا صرف اتنا سا دلبر سے کہنا