Aa Kay Bichray Hein Kahan Ishq Kay
April 28, 2007 on 7:49 pm | In Asif Shahzad |آکے بچھڑے ہیں کہاں عشق کے سلطاں جاناں
بھیڑ تھی ، موڑ تھی شب کے تھے نہ ساماں جاناں
ابھی نا پختہ و نو خیز تھی اُلفت اپنی
ابھی مطلوب تھا اِس کو کوئی عنواں جاناں
جوق در جوق سبھی دیکھنے آئے ہیں اُسے
کوئی فریادی ہے چلاتا ہے جاناں جاناں
رہزن و راہ نما میں نہ کوئی فرق رہا
لوٹ لیتے ہیں ترے شہر کے انساں جاناں
یہ تو طے ہے کہ یہاںخون بھی دینا ہو گا
کون کہتا ہے تمہیں پیار ہے آساں جاناں
تیرے قدموں سے لگی خاک کو پانے کے لےئے
میں نے چھانے ہیں کئی دشت و بیاباں جاناں
یہ الگ بات ہے تو نے ہمیں دیکھا بھی نہیں
عمر بھر سے ہیں تری دید کے خواہاں جاناں
کچھ اثر اِس کا تری سنگ دلی پر نہ ہوا
میں نے سو بار کیا چاک گریباں جاناں
ہر کسی کا ہوا میرا نہ ہوا تو دل میں
گیلی لکڑی سا سلگتا ہے یہ ارماں جاناں
آج پھر آتشِ حسرت میں جلا ہوں شہزاد
آج پھر چُبھ گیا دِل میں کوئی پیکاں جاناں
No Comments yet »
RSS feed for comments on this post. TrackBack URI
Leave a comment
Presentation of Urdu Poetry Forum - Get RSS Feed:
Entries and comments feeds.
^Top^